تهيئة البشرة قبل المكياج باستخدام منتجات BIODERMA الفرنسية ..

بسم الله الرحمن الرحيم

أسعد الله صبآحكم .. ومسائكم ..

تدوينة اليوم بتكون عن خطوات تهيئة البشرة قبل المكياج ..

في البداية لازم تكون بشرتك نظيفة مصنفرتها زيييين .. وغاسلتها بغسولك المفضل ..

والخطوة التالية بتتكون من الأشياء الثلاثة من ماركة ( BIODERMA ) الفرنسية :
وهي أكبر اسم فرنسي عآلمي في مجآل العناية بالبشرة ..

موجودة منتجات هالماركة في أغلب الصيدليات الكبيرة ..
عني مآخذتهم من النهدي ..

1- التنور أو مزيل المكياج ..

وهالغسول مخصص للبشرة الحساسة .. الحمد لله مرااا مناسبني وعاجبني خلصت منه كمية علب وجربت جميع الأحجام ..

بقطنة نحط الكمية اللي نحتاجها ونمسح فيه البشرة ، بينظف البشرة ، وبشيل أي رواسب دهن ، أو رواسب مكياج موجودة بالبشرة .

2- الكريم المرطب للوجه ..

وهالكريم أنصح فيه لذوات البشرة الحساسة ، والدهنية ، والمختلطة ، كلهم بيناسبهم هالمنتج الرائع ..

 << عني أنا بشرتي حساسة مختطلة ، لكن أحيانًا تقلب دهنية .. وفي كل الحالات كان معاي تمام ..

3- الكريم المرطب للعين ..

منطقة العين منطقة حساسة وتحتاج للترطيب المستمر .. وعلشان نحافظ على المنطقة لابد من ترطيبها .. 

وكريم العين من مجموعة BIODERMA للبشرة الحساسة رائع ..

نوزعه على تحت العين ونسحبه من عند الأنف باتجاه الأذن .. << لكن مو توصلونه عند الأذن قلت باتجاه  :D

انتهينا من خطوة ترطيب البشرة ..

يجي بعدها الخطوة المهمة اللي تحافظ لك على المكياج لساعات طويلة .. ويظل نفس ما حطيتيه ..

اللي هي خطوة البيس أو البرايمر : << راح أحط بإذن الله تدوينة عن أنواع البرايمرات قريبًا :) ..

وحاليًا أستخدم الاثنين من Make up For Ever :

الرمادي الروعة .. 

يساعد على التخفيف من الخطوط التعبيرية وإخفاء المسامات ..

ويعطي ملمس مخملي للبشرة ..

تقريبًا نفس تركيبة بيس بينفت ، إلا اني حبيت هذا أكثر ..
صنع في اليابان << يلومني فيه أي شيء ياباني يطلع قوي ..

الوردي ..
 يعطي إشراقة ونضارة .. للي بشرتهم باهتة مثلي ..
صنع في فرنسا ..
<< وكل ألوان البيسات الثانية من ميك أب فور ايفر مصنوعة في فرنسا ما عدا الرمآدي ..  

طريقتي في استخدامهم :

أول شيء أحط على كامل وجهي من البيس الوردي .. 

وأنتظر شوي لما تمتصه البشرة ..

وبعدين أوزع الرمادي وأركز على مناطق المسامات والخطوط التعبيرية ..

وعلى طول بعده أحط كريم الأساس قبل لا ينشف << مع اني جربت تركته شوي ولا نشف ولا شيء :D ..

وبعد هذه الخطوات في تهيئة البشرة .. أظمن لك مكياج نظيف وثابت ويطول معك ..

** ملاحظة مهمة جدًا :

البنات اللي بشرتهم دهنية ولا يستخدمون الكريم المرطب بحجة انه راح يدهن وجههم زيادة ، هذا المفهوم أو الاعتقاد خاطئ جدًا جدًا ..

والسبب أن الكريم المرطب بيساعد البشرة الدهنية على تخفيف إفراز الدهون والتحكم فيها ..

أتمنى إنكم استفدتم من التدوينة ..

دمتم بود ..

مين منكم جربت المنتجات وحبتها ؟؟!