creator_makeup: بعض من أسرار المكياج .. وبعض من الإبتكارات الغريبة ..

بسم الله الرحمن الرحيم

التدوينة هذه أبتكلم فيها عن بعض أسرار المكياج، واستخدام أدوات غريبة في المكياج ، والصور راح توضح اللي أقصد..

في البداية أبقول لكل بنت لا تملك أدوات مكياج كاملة، أو عندها أشياء بسيطة ، مو مهم يكون عندك كمية هائلة من المكياج، ولا لازم كل الفرش تكون عندك، ولا شرط تكون ماركات المكياج غالية ..

أنتِ القادرة على تحويل كل شيء أمامك إلى شيء تبدعي فيه بكذا استخدام وكذا طريقة .. وتبرزي ملامحك وجمالك بأشياء بسيطة، ويطلع مكياجك نظيف ولافت ..

يعجبني طريقة تفكير الأجانب فمثلًا هنا بدال ما تشترتي الأداة هذه علشان الماسكرا :

استخدمي شيء ثاني متوفر في كل زمان ومكان :)

الملعقة البلاستيك << :D

وللمعلقة بعد استخدام ثاني غير استخدامها في وضع المساكرا فوق وتحت العين ، تستخدم أيضًا لتحديد رسمة الكحل :

تفكير إبداعي :)

ونرجع للمساكرا ، والطريقة الصحيحة لوضعها هي كالآتي :

رفع الجفن بالاصبع ، ووضعها من الأسفل للأعلى ..

وهذه طريقة أخرى باستخدام عاقصة الرموش بدل الأصبع ، أو الملعقة..

ومن الطرق اللي عحبتني في عاقصة الرموش الطريقة هذه :

عن طريق تسليط حرارة الاستشوا على عاقصة الرموش ، علشان تكون حارة والحراره اللي فيها تساعد على عقص الرموش بشكل ثابت وجميل ، مثل الستريت :)

_ وعندك ماسكرا نشفت ..

كل اللي عليك تسوينه تجيبي غسول عدسات وتسوي هالطريقة :

لكن انتبهي لا تكثري منه ، قطرات بسيطة ..

_ ومن أسرار سواد الكحل الأسواد الولاعة :

_ لكن انتبهوا يا بنات مو كل عين نقدر نحط داخلها كحل أسود ، مثل العيون الصغيرة أبدًا لا تحطون داخلها كحل أسود لأنه أكيد بيصغرها زيادة ..

إلا من باب التغيير اللي الشيء اللي أؤمن فيه ..

لاحظوا هالصورة كيف الكحل الأبيض سوا فرق داخل العين والإضاءة عند مدمع العين :

وفوق نقدر نحط كحل أسود علشان يوسعها ويغطي فراغات الرموش << دايم أعتمد هالطريقة ..

وبالنسبة لطريقة الولاعة ، عادي بعد نستخدم حرارة الولاعة مع الكحل الأبيض اللي ما يخط معنا ..

_ تبين تكبيرن عيونك شوفي هالصورة :

الصورة تبين لنا أربعة أشياء هي:

1- الكحل الأسود فوق العين يناسب كل العيون ويجمل ..
2- الكحل الأسود داخل الجفن العلوي يعبي فراغات الرموش ..

2- الكحل الأبيض داخل العين يكبر العين ويعطيها وسع ، وعن طريق سحبه لبرا العين من الطرف يسوي فرق واضح ..

3- بعد سحب الكحل الأسود نحط شدو أسود أو بني غامق مسحوب لناحية رسمة الكحل وبعدين بقلم الكحل نرسم رموش سفلية ، وبعدين نحط الماسكرا كثيفه من عند الطرف وخفيفة من وسط تحت العين ..

وهالصورة بعد فيها كم سر جميل ...

_ وننتقل للشفايف :

أول شيء عندك روج جديد أنكسر معك وش تسوي ؟؟!

كل اللي عليك تجيبي الولاعة صديقتنا بالكحل وتمشيها شوي على مكان الكسر مثل الصورة

وبعدين تركبي القطعة المنكسرة وتتركيها شوي لما ينشف ، وبعدين تسكري العلبة وتحطيها بماء بارد علشان تجمد زين ..

أو انك تذوبي الروج وتحطيه بعلبة مع أروج ثانية ،

أو ما تذوبيه وتكتفي بحطه بعلبة ، وبعين تقدرين تستخدميه بالفرشة ..

طيب .. عندك لون بلشر أو شدو عاجبك لونه وتبغي نفس اللون روج وش تسوي ؟؟!

تفتفتي شوي من البلشر أو الشدو وتحطين بملعقة او أي مكان يناسب الخلط ، بعدين تجيبين مرطب شفاف أو كريم مرطب وتخلطيه معاه ، واستمتعي بالنتيجة ..

وبما أننا نتكلم عن الروج والشفايف ، هذي عدة طرق لابراز الشفايف ..

روجك المفضل ، وقلم أبيض ،

حطي لروج على كامل شفايفك ، بعدين حدديها بالقلم الأبيض من أي ماركة ، وبعدين باستخدام الفرشة ندمج الأطراف للداخل ، وبعدين بفرشة دمج نحط فيها شوي من لون الروج وندمج اللي بالوسط

والنتيجة شفايف أومبريه جميلة ، بخطوات بسيطة

وفيه طريقة أبسط بخطوة واحدة بس وهي :

لون روج غامق داخل الشفايف فقط وبعدين دمجه ، وكامل الشفايف نتركه فاضي أو فيه مرطب شفاف أو لون فاتح ..

وهنا العكس ، الروج الغامق بالأطراف واللون الفاتح داخل الشفايف ..

نفس الشيء الغامق بعدين الفاتح .. ولكن لون ثاني ..

وطريقة اتثبيت الروج ليبقى لأكثر فترة ممكنة كالآتي:

وعلشان تعطي شفايفك شكل القلب سوي هالخطوات :

ومن الطرق لابراز الشفايف وتكبيرها طريقة إضائة وسط الشفايف :

وماعندنا قلم أبيض نقدر نستغني عنه وأقرب إضائه عندك ، أو حتى شدو فيه إضائه :

وبالسبة للروج اللي يطبع على الأسنان ، كل اللي عليك تسويه أنك تدخلي اصبعط وسط شفايفك وتسحبيه لبرا بيشيل معه كل الرواج الزايد اللي يطبع بالأسنان ، << ولا تنسين تمسحين اصبعك لا يجيب العيد بوجهك :D

طيب عندك روج لونه حلو وماعندك هللون بلشر، فحابه تستخدميه بلشر ، وش يمنع ؟!

شوفي معاي :

وبعد الشفايف نجي للخشم :

بالنسبة للكنتور فيه منه أقلام كنتور مثل اللي موجودة عند سماش بوكس، وسيفوا، وnyx ،

أو الباودر ، أو الكريمي ، ومع تعدد منتجات الكنتور تعالي أقولك على سر

ممكن عن طريق تحديد بني تسوي كنتور للخشم ، بس أهم شي تدمجيه صح علشان ما يبان الخطوط ،

أو عن طريق أي شدو عندك لونه كنتوري ، مثل اللي موجود بباليت نيكد1

لون (EDNAK) << اعترف اني ياما استخدمته في الأيام اللي كنت أتمكيج فيها بالجامعة :D

وبالنسبة لأهم أسرار كنتور الخشم أنك ما توصلي البني لكامل طرف الخشم ،مثل ماهو واضح بالصورة، وأنك تحطي لون فاتح على طرف الخشم اللي باتجاه الخد ، وبكذا راح يرتفع الخشم ...

الشدو :

وضع شدو فاتح أو إضاءه عند مدمع العين يبرز جمال جمالها ..