تجربتي مع الأمواس الصغيرة الملونة في إزالة الشعر الغير مرغوب فيه ..

مساء الخير عليكم جميعًا ..

تدوينة اليوم ابتكلم فيها عن تجربتي مع إزالة الشعر الغير مرغوب فيه ..

خصوصًا من الوجه، واليدين ، والرجلين ..

..

عني ما خليت شيء ما جربته .. وكل شيء أسوء من الثاني بسبب بشرتي الحساسة ..

جربت الحلاوه :

يتحسس منها جلدي ويصير أحمر وبعده يطلع لي حبوب ، أو يصير مكان الجذور أثر ..

جربت الشمع :

ونفس الشي معاه مثل الحلاوه ما فرق معي.. غير انه يحوس ..

وجربت الآلة :

والألة تطلع لي شعر تحت الجلد ، وتحبب بشرتي بعده بشكل فضيع، واكيد تترك أثر بعد الاحمرار ..

وجربت الليزر :

ما حبيت النتيجة اللي عطاني اياه ووقفته .. بسبب اني اشوف بشرتي تسوء مع كل جلسه .. لأن بشرتي جدًا حساسه وكذا دكتورة نصحتني ابعد عن الليزر ..

وجربت الكريم:

كريم إزالة الشعر يخلي الشعر بعده يطلع خشن ، غير عن الحساسية اللي سببها لي ..

وجربت الشيء الصغير اللي تلفيه حول البشرة بشكل دائرة ويشيل الشعر ،، حلو لكن استعماله صعب ومستحيل تقعدي تفركي كل بشرتك .. 

إلى ما طحت أخيرًا على الموس الصغير الجميل هذا ..

أبدًا ما تحسست منه بشرتي وناسبني كثير ولله الحمد ..

ولي فترة استخدمه ، والشعرة ما تطلع ثقيلة وخشنة .. بالعكس تطلع ناعمه ..

طبعًا كنت أعرفه من زمان ودائمًا أنصح فيه خواتي وصديقاتي ..

وكد جربته لكن ما حبيت نتيجته .. يمكن لأني كنت استخدمه غلط .. أو النوعية اللي كنت ماخذتها مو كويسه ..

إلى ما شفت الفديو للجميلة هذي ..

تحمست ورحت الصيدلية وشريتهم ..

سعرهم : ما يتعدى الـ 10 ريال .

جودتهم ممتازة ، صناعة يابانية .. 

معلومات عنهم :

مصنوعة بتقنية عالية للوقاية من الإنزلاق الجانبي ،، والشفرة مطلية بالراتينج ذو الفاعلية في حلاقة الشعر الرقيق الناعم ،، ومطلية بالبلاتين الذي يجعل الشفرة متينة ..

طريقة استعملاهم :

مثل ما الفديو وضح الطريقة ، تحركي الموس باتجاه الشعر ، وبعد ما تخلصي من الحلاقة تنظفيهم بالماء وتعقميهم ..
السائل الأخضر اللي بالصورة عبارة عن بخاخ كحول أعقم فيه بعد الاستخدام ..

وخصصت لكل منطقة موس :
الموف : لليدين .
والوردي : للوجه .
والتفاحي : للرجلين .


مين جربتهم منكم ؟؟ 
واللي ما جربتهم .. تجربهم وتكتب لنا تجربتها ..