تجربتي لـ جل الصبار الكوري ، ومقشر CURE الياباني ..

بسم الله الرحمن الرحيم

أسعد الله أوقاتكم..

اليوم بتكون التدوينة خفيفة لطيفة ..

أبتكلم فيها عن منتجين حبيتهم وما توقعت أبدًا النتيجة اللي عطوني أياها ..

أول منتج هو جل الصبار الكوري ..

هالمنتج أكثر منتج مبيعًا في كوريا والسبب؟ كون هالمنتج علاجي أكثر من كونه تجميلي ..

استخداماته :

كل الجسم ، من راسك إلى رجليك ..

- الوجه :

 كمرطب وملطف لكامل الوجه ، وبرايمر قبل المكياج  ..

ويستخدم بعد مع الفاونديشن الثقيل للتخفيف من ثقله علشان يكون قوامه خفيف كفاونديشن يومي ..

- العين :

لتخفيف الهالات لأنه يغذي المنطقة << لاحظت أن هالاتي خفت وانشدت منطقة تحت العين ..

يستعمل ككمادات لانتفاخ العين ..

- الرموش :

 يغذيها ، ويستخدم كماسكرا طبيعية مغذيه شفافة ..

- الشفايف :

 يستعمل كقلوس ونافخ ومرطب للشفايف سواء اضفتي له لون او اكتفيتي فيه من دون اضافة لون <<ارجعي  لتدوينتي اللي قبل وشوفي كيف طريقة إضافة لون معاه ..

- الشعر :

 يغذي الشعر ويرطبه ، ويمكن استخدام كجل لتجعيد الشعر ، خوذي كمية منه وحطيه على شعرك وهو رطب وجعدي شعرك  وبعدين جدلي شعرك ، وانتظري لما ينشف شعرك وشوفي النتيجة << تجعيد وتغذية للشعر .

- الجلد :

يعالج الحروق وجفاف الجلد ..

أنا يدي فيها آثار حروق الفرن<< سنعة بسم الله علي ..  وما انتبهت أن هالمنتج يعالج الحروق ، كنت احطه كمرطب لكامل يدي ، وانصدمت يوم شفت آثار الحروق البنيه بدت تخف ..

أنصح فيه وبقوة << هذي العلبة الثانية منه ، وأبرجع اشتري منه أكيد ..

وهذه صورة لأفضل 8 طرق لاستخدامه :

المنتج الثاني ، مقشر  cureالياباني :

معلومات عن المنتج :

يستخدم لإزالة الجلد الميت باستخدام الماء والهيدروجين بنسبة 90% ، والمستخلصات النباتية المأخوذة من الصبار والورد وزهرة إكليل الجبل التي تساعد في تنشيط كولاجين البشرة.

حائز على جائزة أفضل مستحضر تقشير في اليابان لمدة 7 سنوات ، والأفضل على مستوى العالم لثلاث سنوات متتالية!
تباع منه علبة كل 20 ثانية حول العالم!

- الكلام هذا يخليك تتحمسي له قبل حتى ما تشوفي أو تقري أي تجربة عنه ..

المهم طلبت منه علبه قلت خل أجرب مثل الناس ، وأنبهرت صراحة بالنتيجة بشرتي تحسنت ، مساماتي خفت شوي ، والآثار حتى خفت ..

فتح لي بشرتي تفتيح جميل

استخدمته لوجهي ، ورجلي ويدي ، النتيجة ما كد شفتها بأي منتج ..

أنصح فيه وبقوة ..

طريقة استخدامه :

تاخذي كمية بسيطة وتوزعيها على البشرة وتفركيه لمدة 10 ثواني وراح تشوفي الجلد الميت يطلع بيدك ..

يستخدم من مرتين لثلاث مرات في الاسبوع ..

\

\

الفديو هذا يوضح الطريقة :

دمتم بود ...