أسعد الله صبآحكم ، ومسائكم :)
:
تدوينة اليوم بتكون عن مشترياتي من مبيعات الطائرة للخطوط الجوية العربية السعودية
على كثر ما سافرت معهم إلا اني دائمًا أتصفح مجلة المشتريات وكل ما سألتهم عن شيء قالوا مافيه..
فقررت أجرب حظي مع مبيعاتهم اللي بأرض المطار ..
وكنت مستعجلة لأنهم نادوا على الرحلة فأخذت أرواج ريفلون اللي عجبني عرضهم خمس أرواج بحدود المتين وشوي ،
ثلاثه مات، واثنين قلوس ..
وهنا ألوانهم على يدي ..
وهذي أرقامهم
رأيي فيهم :
الصراحة عجبوني بثباتهم ونعومتهم على الشفايف، عطوني نتيجة ما كنت أتوقعها ..
وأكثر شيء حبيته فيهم ريحتهم نكهة نعناع ، أول ماتحطينهم النعناع يصير حار شوي على الشفايف بعدين يعطيهم نفخه خفيفه ..
بعد تجربتي لألوان البوكس هذي ، تحمست أجرب باقي ألوان ريفلون ..
:
:
وأنا احوس حول نفسي تذكرت اني كنت أبغى عطورات ديور الميني لكن ما كانوا فيه ،،
رحت أحاسب وشفت قدامي مجموعة عطورات لانكوم LANCOME الميني ، ومعروفه عطورات لانكوم ونعموتها ، ما قدرت أقاومهم كيووووت شكلهم ، فأخذتهم وبرضو ما أتذكر سعرهم أتوقع بحدود الـ 300
والبوكس فيه خمس عطورات :
1- hypnose
2- La vie est belle
3- Tresor
4- Tresor In LOVE
5- m i r a c l e
علبتهم حجمها مناسب للشنطة .. صغيره وجميلة وكيوت ..
لكن عيبهم الوحيد :
اكتشفت انهم ما فيهم اللي يبخ العطر فقط غطاء على العلبه ..
دمتم بخير ..
ليست هناك تعليقات:
إرسال تعليق