أسعد الله أوقاتكم حبيباتي ..
اليوم بإذن الله راح أنقل لكم تجربتي عن فاونديشن شيسيدوا Future solution LK الفل كفر ورأيي فيه .
بالنسبة لدرجاته تتدرج إلى أربع درجات من ثلاث فئات هي: Golden ، Neutral ، Rose
ماعدا الـRose تتدرج إلى ثلاث درجات فقط .
وهذه الصورة توضح الدرجات على حسب الأندرتون :↓
وبالنسبة لميزاته، فهو يناسب جميع أنواع البشرات ، لأنه يحتوي على نسبة ترطيب تتماشى مع البشرة الجافة، وكذلك يحتوي على بودرة تمتص افرازات البشرة الدهنية، وأكيد يناسب البشرة المختلطة.
،
،
،
وراح ألخص لكم مواصفاته بـ 8 نقاط هي :
1- هو كريم معالج للبشرة يساعدها على استعادة جمالها مع كثرة الاستخدام .
2- مقاوم لعلامات الشيخوخة، ويقلل من ظهورها .
3- يخفف من مظهر المسام ولخطوط التعبيرية .
4- يوفر للبشرة تغطية كاملة وبالتالي تغطية للبقع الداكنة .
5- مصنوع من عدة نباتات يابانية تساعد على تعزيز نظارة البشرة وحيويتها .
6- من ضمن الناتات المصنوع منها: الشاي الأخضر المعروف بكونه مضاد للأكسدة .
7- وكذلك يحتوي على أوراق نبتة الساكورا التي تعطي مظهر مشرق للبشرة .
8- يحتوي على نسبة 20% SPF من واقي الشمس .
ــــــــــــــــــــــــــــــــــــــــــــــــــــــــــــــــــ
وهذي الدرجة اللي طلبتها من بوتيك سندس القطان ❤
درجة Golden 4
طلعت غامقة علي بس بالنسبة لي دائمًا أحب أغمق الفاونديشن شوي عن بشرتي ،
لأني راح أفتحه بالبودرة ☺ بالإضافة أن هالشيء يخفي عيوب البشرة مهما كانت .
وعمومًا الدرجة جدًا جدًا جدًا جميلة ،
جربتها عليّ ، وعلى أختي، وكلنا غامقة شوي علينا بس عطتنا نتيجة جدًا مرضية،
وأحيانًا أخلط معه فاونديشن فاتح علشان أفتح الدرجة
وأفكر أطلب إن شاء الله درجة Golden 3 علشان اجربها لأني أتوقعها لوني بالضبط وممكن اخلطها مع Golden 4 اللي عندي .
من ناحية النتيجة اللي راح تحصلون عليها ، راح تحصلون على بشرة فوتشوب يابنات :D ، واللي عجبني فيه أكثر، مثل ما ذكروا في مواصفاته أنه منتج علاجي أكثر من كونه تجميلي، يعني ما أخاف على بشرتي وأنا حاطته.
وبالنسبة لسعره :
بموقع شيسدو سعره : 90$
وبالنسبة لي مالقيته بالرياض فطلبته من بوتيكات وسعره عندهم : 413 ريال .
وعندنا موجود بباريس قالري ، وهارفي نيكلز، ووجوه ، وسعره عندهم نفس سعر بوتيكات : 413 ريال .
ـــــــــــــــــــــــــــــــــــــــــــــــــــــ
وهذه هي درجة الفاونديشن من داخل العبوة اللي تتميز بكونها تشبه أكواب الشاي اليابانية :
وهذه هي على يدي :
وهنا على بشرتي :
،
وبالنسبة للدرجات المتوفرة ببوتيك سندس القطان هي :
أتمنى عجبكم الريفيو واستفدتم منه ..
تحياتي لكم ☺☺ ..
ملاحظة : التصوير تصوير سناب عجزانه أصور بالكام ☺
أزال أحد مشرفي المدونة هذا التعليق.
ردحذف