مشترياتي من LUSH بريطانيا .. وطريقة الطلب من الموقع .

أسعد الله أوقاتكم

تدوينة اليوم عن مشترياتي أنا وخواتي من LUSH بريطانيا

طبعًا منتجات لوش غنية عن التعريف بسبب استخدامهم للمكونات الطبيعية بمنتجاتهم بالإضافة إن شغلهم كله هاند ميد ..

بالنسبة للطلب كان قبل البلاك فرايدي ونهاية السنه وهالأشياء هذي ، ومع كذا تأخروا بالطلب تأخر مو طبيعي
يمكن أخذت الطلبية شهر على ما وصلت لبريد أمريكا 

وتلاحظون إني سويت حركة غبية المفروض أطلب من LUSH أمريكا بس عاد من زمان مخططه أبي أطلب من الموقع الأصلي لهم البريطاني وسويت هالشي بدون ما أشوف الفروع 
المهم ماعلينا 
المشتريات كانت متنوعة بين قنابل البانيو ، والزيوت العطرية ، والرغوات ، وماسك الوجه ، وتريتمنت الشعر، وشامبو الشعرالجاف، ومعجون الأسنان البودرة ، وسنفرة الشفايف نسيت أصوره بالصورة هذي (فيس يصيح)

الصراحة جميلة هذه السنفرة ، لكن ماشفت فيها أي فرق عن طريقة السنفرة اللي أسويها دائمًا لشفايفي .

ملاحظة : LUSH  عندهم توصيل دايركت للسعودية بس طلع لي قيمة الشحن جدًا غالية فقلت أجرب أطلب لبريد أمريكا وطلع علي الشحن من بريطانيا إلى أمريكا ومن أمريكا للسعودية أغلى من قيمة الشحن دايركت
المهم إذا كنتم تبي تطلبون لا تسوون مثلي
عندكم خيارين : يا أنكم تخلون الشحن دايركت ، أو يكون عندكم بريد بريطاني ، أو تختارون الموقع الأمريكي ويشحن لبريدكم الأمريكي << صاروا ثلاث خيارات مشوها :D

ملاحظة:
LUSH فيه موقع خاص بالسعودية بس المنتجات اللي فيه دائمًا مخلصه ، ومو كل المنتجات تحصلونها بالموقع .

**********************

طريقة الطلب من الموقع :



نسيت اصور وأنا أطلب لكن أبسوي معكم الطريقة 
أول شيء بعد ما ندخل على الموقع https://www.lush.com/

نسجل دخول أو نسجل عضوية جديدة
بعدين نختار الطلبات اللي نبيهم وراح نلقى الطلبات بالسلة 

عن طريق اختيارنا من أنواع منتجات لوش 

مثلًا ندخل على masks من قائمة face وراح نشوف كل الماسكات الموجودة وتركيبة كل ماسك، مع التقيمات من الأشخاص اللي جربوه .
والماسك اللي بالصورة مراا بطل أنصح فيه 

وإذا انتهينا من الاختيار نضغط على checout علشان نروح للفاتورة 

الفاتورة راح نلقى فيها سعر المشتريات ، ونقدر نعدل على الطلبات من الفاتورة .
ونلقى أيضًا أسعار الشحن ، ونشوف بالصورة حاطي نوعين شحن بالبريد العادي ، أو عن طريق شركة شحن ، وكل واحد وسعره على حسب وزن الطلبات .

بعدين إذا اعتمدنا الطلبات نحط صح عند الموافقة على الشروط ، ونضغط PAY

آخر شيء راح يجينا اختيار نوع أو طريقة الدفع ، أما عن طريق الفيزا ، أو عن طريق الباي بال .

وفي النهاية بعد ما نحط بيانات الدفع نضغط PAY
وراح تجينا قائمة العنوان ، ( أنا مسجل عنواني في الموقع فما أقدر أتجاوز نقطة الفيزا علشان ما أعتمد الطلب :)  )
ندخل بيانات عنواننا البريطاني (علشان يطلع سعر الشحن أرخص) ونعتمد الطلب .
وبالعافية عليكم .