مشترياتي من LUSH بريطانيا .. وطريقة الطلب من الموقع .

أسعد الله أوقاتكم

تدوينة اليوم عن مشترياتي أنا وخواتي من LUSH بريطانيا

طبعًا منتجات لوش غنية عن التعريف بسبب استخدامهم للمكونات الطبيعية بمنتجاتهم بالإضافة إن شغلهم كله هاند ميد ..

بالنسبة للطلب كان قبل البلاك فرايدي ونهاية السنه وهالأشياء هذي ، ومع كذا تأخروا بالطلب تأخر مو طبيعي
يمكن أخذت الطلبية شهر على ما وصلت لبريد أمريكا 

وتلاحظون إني سويت حركة غبية المفروض أطلب من LUSH أمريكا بس عاد من زمان مخططه أبي أطلب من الموقع الأصلي لهم البريطاني وسويت هالشي بدون ما أشوف الفروع 
المهم ماعلينا 
المشتريات كانت متنوعة بين قنابل البانيو ، والزيوت العطرية ، والرغوات ، وماسك الوجه ، وتريتمنت الشعر، وشامبو الشعرالجاف، ومعجون الأسنان البودرة ، وسنفرة الشفايف نسيت أصوره بالصورة هذي (فيس يصيح)

الصراحة جميلة هذه السنفرة ، لكن ماشفت فيها أي فرق عن طريقة السنفرة اللي أسويها دائمًا لشفايفي .

ملاحظة : LUSH  عندهم توصيل دايركت للسعودية بس طلع لي قيمة الشحن جدًا غالية فقلت أجرب أطلب لبريد أمريكا وطلع علي الشحن من بريطانيا إلى أمريكا ومن أمريكا للسعودية أغلى من قيمة الشحن دايركت
المهم إذا كنتم تبي تطلبون لا تسوون مثلي
عندكم خيارين : يا أنكم تخلون الشحن دايركت ، أو يكون عندكم بريد بريطاني ، أو تختارون الموقع الأمريكي ويشحن لبريدكم الأمريكي << صاروا ثلاث خيارات مشوها :D

ملاحظة:
LUSH فيه موقع خاص بالسعودية بس المنتجات اللي فيه دائمًا مخلصه ، ومو كل المنتجات تحصلونها بالموقع .

**********************

طريقة الطلب من الموقع :

شكرًا لكل عينٍ أبصرتْ ما أُدون ..

السلام عليكم ورحمة الله وبركاته

أسعد الله أوقاتكم جميعًا..

صار لي فترة ما فتحت المدونة ، بسبب انشغالي ، وماعندي الوقت اللي اتفرغ فيه للمدونة ، مع اني مجهزة كذا موضوع ابكتبهم ؛

لكن ما لقيت وقت فراغ يهيأي لي الكتابة (فعلًا التدوين شيء صعب) :(

المهم السبب اللي خلاني اكتب هذه التدوينة ، هو أني انصدمت من كمية المشاهدات لمدونتي واختلاف الدول ، الصراحة جتني الصيحة ، وحسيت بالمسؤلية ، بما إني بديت التدوين لازم أكمله ..

دعوآتي القلبية لكل عينٍ أبصرتْ حروفي بالتوفيق ...